WANAFUNZI WA KIDATO CHA SITA WAKIWA OFISI YA MKURUGENZI MTENDAJI WA HALMASHAURI YA WILAYA KIBONDO KUJUA HATIMA YA WALIMU WAO WALIOHAMISHWA.

Posted on: August 28th, 2017

Wanafunzi wa Kidato cha Sita (VI) wa Malagarasi Sekondari iliyopo Wilayani Kibondo, watinga Ofisi ya Mkurugenzi Mtendaji kutaka kufahamu hatima ya walimu wa Tano (5) ambao wamehamishwa kutoka shule hiyo  wanaofundisha Kidato hicho cha sita Masomo ya Sanaa (Art).

 Mkurugenzi Mtendaji wa Halmashauri ya Wilaya Kibondo, pamoja na Wanafunzi hao kuja bila taarifa rasmi kwa Maandamano, alitoka ndani ya Ofisi na kukaribisha kundi la wanafunzi hao ofisini kwake ili asikilize lengo la kuandamana hadi ofisini kwake. Bwn: Juma Mnwele anayeonekana Mezani Mbele ya Wanafunzi,  akisikiliza kwa makini Wanafunzi  akiwa na Ofisa wa Elimu Sekondari Bi. Honoratha Kabunduguru Kulia kwake.

Wanafunzi hao walihoji kwamba. Tunahitaji kufaham kwanini Walimu wetu wamehamishwa kutoka shuleni huku tukiwa hatuna walimu wakutosha, na wengine kudai kwamba haiwezikani kuhamishwa kwa Walimu hao wakati wamezoeana nao huku wakiwafundisha hata masomo ya ziada bule.  Wengi mawazo yao yakifanana kama Ndg. Joseph Buhunie, Jamary, Nasra na Malilo Abdul wote Kidato cha sita.

Majibu ya Mkurugenzi Mtendaji wa Wilaya Kibondo, yalikuwa kama ifuatavyo:

"Nafikili ndg. Wanafunzi nyote ni Kidato cha Sita, na bila shaka nyie ni watu wazima. Naomba kuwaambia kwamba tumefanya hivyo kwa kuwapenda nyie sivyo mnavyoweza kufikilia, nafahamu hili lazima liwaumize, na hii ni kawaida ya Binadamu ukizoeana na Mtu anapohama, ndiyo maana hata katika sherehe zenu za kuagana inatokea mtu analia hiyo ni kawaida. Lakini pia Serikali yetu nisikivu mno, haitaweza kuwacha nyie bila kuwa na walimu huku kukiwa na upungufu wa walimu kiasi hicho. Nawaahidi kwamba muda si mrefu mtawapata waalimu wazuri sawa na hao walioondoka au hata zaidi. Tunajitahidi sana ili muwapate. Nawashauri  kwamba msishawishiane au kudanganyana kwa ajili ya Migomo kwa sababu zisizo sahihi, Someni, walimu hao mliwakuta na wameondoka  wengine watakuja wanawakuteni nyiye. Na siwezi kuwaambia kwanini Walimu hao wamehamishwa isipokuwa nawaambieni tena someni bila shida kwa amani kwani tumefanya hayo kwa kuwapenda nyiye ili mfanikiwe " 

Na  Ofisa wa Elimu Sekondari alitoa ushauri kwa Wanafunzi hao akisema " Kazi yenu iliyowaleta pale shuleni siyo kufahamu kwanini mwalimu anahamishwa bali ni kusoma, hivyo haina sababu ya kuwaambia sababu ya wao kuhama isipokuwa ni kuwatakieni nyiye mafanikio ili msome na mfanye vizuri" 

Kwa maswali mengi yaliyoulizwa na wanafunzi hao baadae moyo wao uriwarudi na hivyo kuona kwamba kufika ofisini ya Mkurugenzi kuna mafanikio  hivyo kuomba Mkurugenzi mtendaji kuboresha mazingira ya shuleni kwao hasa kwa tabia za walezi wao Walimu kuwa na upendo wa dhati kwao. Ombi hilo liliombwa na Mwanafunzi anayeitwa Taifa akisema:

"Hapa Duniani siko tayali kumuita binadamu kama Mungu kwani naamini katika Biblia na Kroani, tabia hizi za pale shuleni baadhi ya walezi kutuambia kwamba usiponiita Mungu utapata shida na wengine kutuambia eti sisi ni yatima, tunaomba msaada katika hilo.

Majibu ya Mkurugenzi Mtendaji na Ofisa huyo wa Elimu Sekondari, walichukua hilo tena kwa masikitiko wakiahidi kwamba leo saa 8 mchana tutakuja kuongea na Uongozi wenu wa shule lengo ni kubaini mapungufu ili kurekebisha kasoro na matatizo kama hayo. Japo leo sikupenda niwarudishe kwakuwa ndiyo siku niliyokuwa nimepanga kuja huko

Wanafunzi hao walifarijika sana.na Mkurugenzi alimalizia kwa kuwaambia kwamba kwasasa Mmekuwa Watoro pale shuleni sidhani kama mmekuja hapa kwa taarifa maalum, nawashauri hata siku nyingine msifanye hivyo. 

Fomu six oyee! alimalizia Mkurugenzi.