TUME HURU YA TAIFA YA UCHAGUZI YAFANYA MAFUNZO KWA WASINAMIZI NA WASINAMIZI WASAIDIZI WA VITUO VYA KUPIGIA KURA JIMBO LA MUHAMBWE HALMASHAURI YA WILAYA YA KIBONDO

Posted on: October 26th, 2025

Tume Huru ya Taifa  Halmashauri ya Wilaya ya Kibondo imeendelea na mafunzo kwa wasimamizi na wasimamizi wasaidizi wa vituo vya kupigia kura leo tarehe 26 Oktoba 2025, ikiwa ni mwendelezo wa maandalizi kuelekea zoezi la upigaji kura linalotarajiwa kufanyika tarehe 29 Oktoba 2025. Mafunzo hayo yanalenga kuwajengea uwezo wahusika kuhusu taratibu na weledi utakaosaidia kurahisisha usimamizi wa uchaguzi kwa haki na uwazi.

Akiongea katika mafunzo hayo Msimamizi wa Uchaguzi Jimbo la Muhambwe wilaya ya Kibondo Ndugu Daud Mapunda amewasisitiza wasimamizi wa vituo na wasimamizi wasaidizi wa vituo vya kupigia kura kuwa wajitahidi kujiepusha kuwa vyanzo vya malalamiko kutoka vyama vya Siasa kwa kushirikiana vyema na mawakala wa vyama vya Siasa watakaokuwepo Vituon kwa mujibu wa Sheria.Amewataka kufanya kazi kwa ushirikiano kama timu ili kufanikisha Uchaguzi katika Vituo watakavyopangiwa.

Mwakilishi wa Mkuu wa TAKUKURU Kibondo, Ndg. Balamu J. Kisumo amewataka wasimamizi na wasimamizi wasaidizi wa vituo kujiepusha na vitendo vya rushwa. Pia amewataka kutoa taarifa za rushwa na viashiria vyake katika maeneo yao. Ofisi za TAKUKURU ziko wazi kwa masaa 24.

Mafunzo yanafanyika kwa siku mbili(Tarehe 26 - 27 Oktoba 2025).