DC MAGWAZA APOKEA MWENGE WA UHURU 2025 KATIKA WILAYA YA KIBONDO

Posted on: September 16th, 2025

Mapema leo Tarehe 16.09.2025 Mkuu wa Wilaya ya Kibondo Mhe: Aggrey J. Magwaza ameupokea mwenge wa Uhuru katika viwanja vya shule ya msingi Kilemba kata ya Misezero.Mwenge huo wa Uhuru umepokelewa ukitokea Wilayani Kakonko ukiambatana na wakimbiza Mwenge  kitaifa 2025 wakiongozwa na Ndg:Ismail Ali Ussi

Akizungumza katika mapokezi hayo mara baada ya kuupokea Mwenge wa uhuru kutoka kwa Mkuu wa Wilaya ya Kakonko Mhe: Kanal Evance Mallasa, Mkuu  wa Wilaya ya Kibondo , Mhe: Kanali Aggrey J. Magwaza amesema kuwa jumla ya Miradi 7 yenye thamani ya shilingi bilioni 3.1 itafikiwa na mbio za Mwenge wa Uhuru mwaka huu katika wilaya ya Kibondo.

Kanali Magwaza amesema mwenge utakimbizwa jumla ya km 75.9 na baadae kufikia eneo la mkesha ambapo kutafanyika shughuli Za Upimaji Afya, Ushauri Nasaha , Kongamano La Vijana Na Elimu mbalimbali ikiwemo matumizi ya Nishati safi.