MAONESHO YA NANENANE YAWAPA FURSA WAKULIMA KUONGEZA TIJA

Posted on: August 8th, 2025

Mkuu wa Mkoa wa Kigoma, IGP (Mst) Balozi Simon Sirro, amewataka wakulima nchini kutumia fursa za mafunzo yanayotolewa kupitia maonesho ya Nanenane ili kuongeza tija na kupata mazao bora yatakayokidhi mahitaji ya soko.

Akihitimisha maonesho ya Nanenane, Agosti 8, 2025, katika viwanja vya Ipuli mkoani Tabora, ambayo yalihusisha wadau mbalimbali wa sekta ya kilimo na mifugo, Balozi Sirro alisema maonesho hayo yanapaswa kuwa chachu ya kuwakutanisha wakulima wakubwa na wadogo na masoko makubwa ndani na nje ya nchi.

“Ili kupata masoko ya uhakika ni lazima bidhaa ziwe na vifungashio vinavyoonesha viungo vilivyomo, ili kujitangaza zaidi na kuvutia wanunuzi,” alisema Balozi Sirro.

Aidha, aliwasihi wafugaji kushiriki kikamilifu katika zoezi la uchanjaji wa mifugo ili kuzuia vifo vinavyosababishwa na magonjwa.

Kwa niaba ya Wakuu wa Wilaya, Mheshimiwa Mwakisu aliishukuru Serikali ya Awamu ya Sita inayoongozwa na Rais Samia Suluhu Hassan kwa kuona umuhimu wa kilimo kilimo ametoa mbolea ya ruzuki Kwa ajili ya kilimo chenye tija Kwa kuongeza mnyororo wa thaman katika mazao.