MAPOKEZI YA MWENGE WA UHURU - KIBONDO

Posted on: October 4th, 2022

Mkuu wa Wilaya ya Kibondo  Mhe. Kanali Aggrey John Magwaza, amewaongoza wananchi wa wilaya ya Kibondo katika mapokezi ya Mwenge wa Uhuru.

Mapokezi yamefanyika katika kata ya Busunzu, shule ya msingi Busunzu B.

Ukiwa Wilayani Kibondo, Mwnege wa Uhuru utazindua miradi mitatu

1. Kituo cha Mafuta - Eng. Nditiye,

2. Daraja la mawe - Nyamilembi

3. Chumba cha darasa - Moyowosi S.S

Utaweka mawe ya msingi miradi miwili

1. Jengo la EMD - Hospitali ya Wilaya Kibondo

2. Mradi wa Maji - Nyamkokoma, Bitare

Vile vile utakagua kikundi kimoja cha vijana waliopata mkopo wa Halmashauri.

1. Kikundi cha boda boda maduka saba.

Katika mapokezi hayo, Kiongozi wa Mbio za Mwenge wa Uhuru kitaifa Ndg. Sahil Nyanzabara Geraruma aliwafikishia wananchi shukran za Rais wa Jamhuri ya Muungano wa Tanzania, Mhe. Samia Suluhu Hassan kwa kujitokeza kuhesabiwa wakati wa Sensa ya Watu na Makazi iliyofanyika mwezi Agosti 2022.

Aliwataka waendelee kuwa na subira wakati mamlaka husija zinaendelea kuchakata taarifa za Sensa. Pindi zitakapotolewa wazitumie kwa usahihi ili kufikia malengo yake.

Vile vile aliwataka watumishi wa umma na wasimamizi wote watakaohusika katika utekelezaji wa miradi kuzingatia maelekezo na kutekeleza miradi hiyo kwa viwango bora ili kuleta tija. Pochi la mama linaendelea kufunguka ili kuwaletea watanzania maendeleo, hivyo Mwenge wa Uhuru hautosita kuangaza popote pale penye ubadhirifu au usimamizi mbovu.

Pia aliwataka wananchi kuendeleza mapambano dhidi ya rushwa, madawa ya kulevya, malaria na kuzingatia kanuni za lishe bora.