KAIMU MKURUGENZI, MWAKILISHI WA DC, MWENYEKITI WA HOSPITAL, WAKIKABIDHIWA CHETI ZA UHISANI WA MASHINE YA ULTRASOUND

Posted on: September 4th, 2017

Wahisani IRC wamekabidhi rasmi leo mashine ya Ultrasound Katika uongozi wa Hospital ya Wilaya ya Kibondo, ambapo wametoa cheti cha Uhisani baada ya makabidhiano ya Mashine hiyo ya Kisasa.  Mashine hiyo imenunuliwa na Shirika la IRC, kutokana na ushirikiano wa muda mrefu na Hospital ya wilaya ya Kibondo ambao umesemwa kuwa ni zaidi ya Miaka 20 sasa. Wakikabidhi Mashine hiyo wameishukuru Serikali na Uongozi wa Ngazi ya Wilaya kwa ujumla wake kwamba ni mara nyingi wamekuwa na ushirikiano usio wa kawaida ambao umepelekea kutoa mashine ya Ultrasound ambayo ina thamani ya Milioni 57,000,000/=. 

Kaimu Mkurugenzi Dr. Gabriel Chitupila naye ametoa shukrani kwa Wahisani  IRC kwa ushirikiano, na kuomba udumu  kwa sekta ya Afya na katika sekta zingine, aidha amesema kwamba upatikanaji wa Ultrasound ni Ukombozi kwa wagonjwa waliokuwa na matatizo ambayo kwa namna moja au nyingine yasingepatiwa ufumbuzi, kwani mashine iliyokuwepo ilikuwa imepitwa na wakati, imechoka na hivyo kutoweza kufanikisha tiba ipasavyo.

Mwakilishi wa DC:  kwa upande wake naye ametoa Wito kwa Wananchi wa Wilaya ya Kibondo kutambua uwepo wa Huduma ya Ultrasound katika Hospital ya Wilaya ya Kibondo, ili kujipatia huduma inayostahili kwa wakati kwani tayali mashine ipo. Aidha ameongeza kusema kwamba anatoa angalizo kwa Watumishi na Uongozi wa Hospital ya Wilaya kuwa makini na vyombo kama hivyo vinapopatikana vitumiwe kwa uangalifu, na umakini sana kwa Watalaam wanaohusika na Mashine hizo.