MKUU WA WILAYA KIBONDO AWAPONGEZA NA KUWAAGA WAHE. MADIWANI

Posted on: June 20th, 2025

Mkuu wa Wilaya ya Kibondo Kanali Aggrey J. Magwaza amewapongeza na kuwaaga Wahe. Madiwani wa Halmashauri hiyo katika hafla ya kuvunja rasmi Mabaraza ya Madiwani.

Hafla hiyo ya kuwapongeza na kuwaaaga Madiwani hao ilifanya Tarehe 20.06.2025 katika hotel ya swedish Wilayani Kibondo.

Akizungumza mara baada ya kukaribishwa kutoa hotuba katika hafla hiyo Kanali Aggrey amesema Lengo ni kuwapongeza kwa Jitihada walizozifanya katika kipindi chote cha Miaka 5 walichohudumia wananchi wa Kibondo hususani kwenye usimamizi wa miradi ya Maendeleo.

Amewapongeza Kwa kushirikiana vizur na Watumishi wa serikali ikiwemo kuhakikisha Amani na Utulivu vinaendelea kupatikana Wilayani Kibondo pamoja na kutatua migogoro iliyojitokeza katika baadhi ya maeneo katika kata zao.

Amesema katika kipindi hiki cha Serikali ya Awamu ya sita Kinachoongozwa na Mhe. Rais Dkt. Samia Suluhu Hassani Pesa nyingi zimetolewa na kutekeleza miradi mbalimbali ya maendeleo na Madiwani wa Kibondo wamekuwa mstari wa mbele kusimamia kwa karibu uanzishwaji na ukamilishaji wa Miradi hiyo.

Pamoja na hayo amewatakia kila la kheri Madiwani watakaochukua hatua ya kugombea tena uongozi na kuwataka kwenda kushiriki katika uchaguzi wa haki.

Nae Mkurugenzi Mtendaji wa Halmashauri ya Kibondo  Bwn: Diocles M. Rutema amewashukuru na kuwapongeza Madiwani hao Kwa kuwa Sehemu ya uongozi mzuri katika kipindi cha miaka mitano ikiwemo kuweza kufanikisha usimamizi na Ukamilishaji wa Miradi mbali mbali ikiwemo ya elimu katika Kata zao.

Aidha hafla hiyo ilikwenda sambamba na zoezi la kugawa vyeti Kwa Madiwani hao wanaomaliza muda wao ikiwa ni Ishara ya uongozi mzuri waliouonyesha Wilayani Kibondo.

Hafla hiyo ya Pongezi Kwa Madiwani ilihudhuriwa na viongozi mbalimbali wa Vyama vya siasa, Madiwani watumishi kutoka ofisi ya Mkuu wa Wilaya, viongozi wa Taasisi, wakuu wa idara/ Vitengo, Watendaji wa Kata/ Vijiji na baadhi ya wananchi wa wilaya ya Kibondo.