WARSHA YA NAMNA YA UAANDAJI MBEGU BORA ZA MUHOGO KIBONDO YA YAFANYIKA

Posted on: October 11th, 2018

Wilaya Kibondo leo tarehe 11.10.2018, kwenye Ukumbi wa Jumba la Maendeleo  maarufu kama (Community center),  kumefanyika Warsha ya Kuhuisha Mfumo wa Uzalishaji wa Mbegu za Mhugo, iliyo jumuisha Wadau wa MEDA, IITA, Madiwani wa Kata 19  wa Halmshauri ya Wilaya ya Kibondo, Wakulima, na baadhi wa Wakuu wa Idara na Vitengo.

Wakulima:

• Nestory Mishita: aliyetayari kwa ajili ya uzalishaji mbegu kwa kilimo cha mbegu bora kwa kuanza na Eka 16, yeye ni Mkulima na Mfanyabiashara wa Kibondo mjini
• Reginard Paulo: ni Mkulima toka Kata ya Murungu Kijiji cha Kumhasha, ambaye alishahudhuria Mafunzo ya Uzalishaji wa mbegu bora kati ya Watu sita waliopewa mafunzo yeye peke yake ndiye aliyefaulu kuendeleza elimu aliyoipata, na kwa sasa anazo Eka 4 ambazo zina mbegu ya Muhogo za Kisasa zilizotayali kuuzwa. Aliye tayali kwa upandaji kwa mwaka huu anaweza kumuona ili ajipatie mbegu bora.

Kikao hicho kilianza mnamo saa 04:40 asubuhi ambapo Bwana: Hamisi Amanje Kaimu Mkuu wa Idara ya Kilimo, alisimama na kukaribisha Wajumbe kwa uwepo wao, kisha kumkaribisha Kaimu Mkurugenzi Mtendaji wa Halmashauri, ambaye kwa nafasi yake alimkaribisha Mwenyekiti wa Halmashauri aliyejitambulisha nakutoa nafasi ya kutambulisha Wajumbe  kwa kila mmoja mmoja.

Baada ya huo utambulisho, Kaimu Mkuu wa Idara ya Kilimo alisimama kufafanua kile kilicho kuwa ndani ya kusudi la Warsha hiyo akiwaelezea Wajumbe kwamba Muhogo kiutangulizi ni:

Muhogo ni zao linaoongoza kwa kulimwa sana kwa nchi za ukanda wa jangwa la Sahara.

Zao la muhogo ni moja kati ya mazao ambayo hutumika kama zao la biashara na wakati huohuo ni zao la chakula.

 Wakulima wengi wamekuwa na uelewa finyu wa mbinu bora za kilimo katika kuzalisha mazao mengi ya muhogo.

Sambamba na hayo alizielezea changamoto zinazotokana na uzalishaji wa zao hilo la Muhogo kwamba ni:

Ukosefu wa mbegu  zenye  ukinzani wa magonjwa (Batobato+michirizi kahawia)

Kupanda na kushuka kwa bei ya muhogo.

Magonjwa na wadudu

Mitaji midogo kwa wakulima wengi. Ambayo ni pamoja na;

UKOSEFU WA MBEGU BORA

Uwiano wa uzalishaji wa mbegu za muhogo ni wa chini sana iikilinganishwa na mazao mengine kama nafaka

Mfano:Mbegu za muhogo: Uwiano  ni 1:10

Nafaka (Mahindi): Uwiano ni 1:300

Sababu: Uwiano mdogo, wakulima kutotunza mbegu baada ya kuvuna, magonjwa na wadudu husababisha uhaba wa mbegu wakati wa kupanda

Pamoja na hilo Bwana Hamisi Amanje aliwaeleza Wajumbe juu suala zima la kupanda na kushuka kwa bei ya zao hilo kwa mifano:

Muhogo kwa Kibondo hulimwa kama zao la biashara

Soko kuu likiwa ndani na nje ya Nchi(Dodoma +Burundi+Rwanda +South sudani

Baada ya takwimu hizo alieleza juu suala zima la Magonjwa  kwamba

Kuna magonjwa 2  na wadudu muhimu ambavyo hupunguza uzalishaji wa zao la muhogo.

Baada ya mafunzo hayo nafasi ilitolewa kwa Wajumbe kuliza maswali, na Wajumbe waliuliza maswali hasa Madiwani. Maswali yote yalijibiwa kwa ufasaha na ufanisi wa kulenga Uboreshaji na Kilimo cha Muhogo kwa kutumia mbegu bora.

Kikao hicho kilifungwa saa 7: 18 mchana na Mwenyekiti wa Halmashauri.