WANANCHI WA VIJIJI VYA RUGUNGA NA KITAHANA KATIKA KATA YA KITAHANA WATOA KERO ZAO KWA MKUU WA WILAYA KIBONDO

Posted on: March 21st, 2025

Mkuu wa wilaya Kibondo Mhe: Kanali Aggrey J. Magwaza ameendelea na ziara za mikutano ya hadhara katika vijiji mbalimbali vya wilaya ya kibondo ili kusikiliza na kutollea ufafanuzi kero za wananchi wa wilaya hiyo.

Akiongea na wananchi katika moja ya ziara zake alizofanya tarehe 21.03.2025 katika vijiji vya Rugunga na kitahana center vilivyopo katika kata ya Kitahana Mhe: Aggrey amesema kila mwananchi ana haki ya kuelezea na kusikizwa kero anayokumbana nayo katika kijijini kwake ili kupatiwa majibu na kutatuliwa.

Hivyo wananchi kutoka katika vijiji hivyo wametoa kero mbalimbali zinazowakabili katika vijiji vyao na kupata nafasi ya kusikizwa Pamoja na kupatiwa ufafanuzi juu ya kero hizo.

Pamoja na kero baadhi ya Wananchi wameguswa na jitihada za serikali katika kutatua changamoto za Elimu ya awali na kuiomba iendelee na jitihada hizo ili kuhakikisha suala la elimu ya awali karibu na mazingira ya vijiji vyao linatatulika Kwani Kuna baadhi ya vijiji kama Rubanga Wanakosa shule ya Awali Karibu na Kijiji chao ikiwalazimu watoto wao kwenda umbali kidogo na Kijiji kufuata shule

Aidha Mhe: Mkuu wa Wilaya amewaambia kuwa tayari  Serikali imeandaa eneo lililotengwa kwa ajili ya Shule hiyo katika Kijiji cha Rugunga na Wananchi wameelekezwa kuanza mchakato huo Kwa kusafisha eneo hilo  wakishirikiana na uongozi wa Kijiji na wale waliokua wakifanya shughuli zao karibu na eneo hilo kuacha mara moja Kwa ajili ya maandalizi ya ujenzi huo.

Vilevile Mkuu wa Wilaya alitoa maelekezo kwa viongozi kuendelea kutimiza wajibu wao ikiwemo kutatua baadhi ya kero  zinazoelekezwa moja kwa moja katika nafasi zao.

Katika ziara zake Mkuu wa Wilaya amekua akiongozana na viongozi mbalimbali wa wilaya wakiwemo wenyeviti wa vijiji husika,viongozi wa kata,wataalamu mbalimbali kutoka ofisi ya Mkurugenzi,maafisa usalama,viongozi wa dini na viongozi wa vyama vya siasa.