WALIMU WAKUU NA MAAFISA ELIMU KATA WAPATA MAFUNZO

Posted on: February 19th, 2019

Maafisa Elimu Kata na Walimu Wakuu wamepata mafunzo ya Matumizi ya Mfumo wa Taarifa za Shule (SIS V2.1.2) Ambayo yanaendeshwa na Watalaam Ndg. Mathias C. Massawe (Mchumi) toka OR TAMISEMI Bi Maria Makala na wengine. Wakifafanua umaana wa mfumo huo wamesema kwamba; School Information System (SIS) ni nyenzo maalum ya Usimamizi na kiini cha taarifa za shule. na kwamba mfumo huo unahuisha Ukusanyaji, Uchakataji na Utoaji wa Taarifa katika ngazi ya Shule na ngazi ya juu ambao hutegemea Mtandao katika utumaji wa taarifa za Miundombinu ya shule kama; Samani, Vitabu, Uandikishaji, Mahudhurio Upimaji na taarifa za tabia ya Wanafunzi, ambao hutumika kwenye Vishikwambi (Tablets). 

Mafunzo yanafanyikia kwenye Madarasa ya Shule ya Msingi Nengo, ilipo Kibondo Kata ya Biturana, ambapo wamekusanyika walimu toka kwenye Jumla ya shule za Msingi zipatazo 83. Mafunzo hayo yalianza leo tarehe 19.02.2019 ambapo yatamalizika siku ya Alhamisi tarehe 21.02.2019.

Lengo la Mafunzo hayo nikuelekeza baadhi ya Maboresho yaliyofanyika na kujenga uelewa wa pamoja kwa watumiaji ikiwa ni pamoja na kukusanya na kutatua baadhi ya changamoto wanazokutana nazo kwenye mfumo huo wa takwimu muhimu za wanafunzi.