KAMPENI YA UGAWAJI VYANDARUA YA ZINDULIWA KIBONDO

Posted on: March 15th, 2025

Mkuu wa Wilaya Kibondo Mhe: Kanali Aggrey J. Magwaza amezindua Kampeni ya Ugawaji Vyandarua kwa Wilaya ya Kibondo katika kikao kilichofanyika kwenye Ukumbi wa Mkuu wa Wilaya Kibondo tarehe 15.03.2025.

Akifungua kikao hicho Mhe: Aggrey J. Magwaza ameishukuru Serikali kwa kuendelea na jitihada za upambanaji wa kudhibiti Ugonjwa wa Malaria katika ngazi za Mikoa na Wilaya, amesema katika Mikoa ambayo Imeathirika na Ugonjwa wa Malaria Kigoma iko miongoni mwao na Wilaya ya Kibondo ikiwa na asilimia 31.1% kwa takwimu za Mwaka 2024 kutoka 51.7% Mwaka 2016 hivyo Serikali inaendelea kupambana na kuhakikisha Ugonjwa wa Malaria unatokomea kabisa ifikapo 2030.

Aidha amesema katika Wilaya ya Kibondo Vyandarua 207,717 vyenye dawa ikingayo Malaria vitagaiwa katika kaya zote 19 bila malipo.

Vilevile amewaomba Viongozi Wahamasishe upokeaji wa Vyandarua hivyo na kuwaondolea wananchi hofu juu ya Imani potofu katika dawa ipatikanayo kwenye vyandarua hivyo kwani kugawa Vyandarua hivyo ni moja ya afua ya kutokomeza Malaria nchini. ameendelea kuwakumbusha  kuelimisha jamii juu ya kinga zingine kama kutokomeza vichaka na kusafisha sehemu zenye mtuamo wa maji karibu na makazi.

Pamoja na hayo Mhe Magwaza amewasihi Viongozi kuwahimiza Wananchi pindi wapatiwapo vyandarua hivyo kuacha kuvitumia kwa matumizi mengine tofauti na ukingaji wa Malaria.

Nae Kaimu Mkurugenzi Mtendaji Ndugu: Stephen J. Nimbuga ameahidi kuhakikisha zoezi la Ugawaji wa Vyandarua bila malipo kwa kaya litafanikiwa na hatau za kinidhamu zitachukuliwa kwa watumishi na watendaji watakao hujuu zoezi hilo.

Wajumbe walioudhuria kikao hicho ni Mkurugenzi Mtendaji wa Wilaya,wawakilishi kutoka wizara ya afya na tamisemi Mkoa, kamati ya Usalama,wataalam wa Halmashauri na viongozi wa Dini.