TUMIENI VIZURI MISAADA MNAYOLETEWA NA VIONGOZI WENU

Posted on: November 18th, 2017

Kama wanavyoonekana hapo juu pichani.

Anayekabidhi mifuko 100 ya Saruji ni Mkuu wa Wilaya ya KIbondo Mhe. Bura. Akimkabidhi Diwani wa Kata ya Busunzu Mhe. Razalo P. Ntukamazina, huku Diwani Viti maalum CCM 

Mhe. Grace Zacharia na Wananchi wote wa Kata hiyo wakishuhudia.

Miongoni mwa nasaha zilizotolewa na Mhe. Bura, katika hafra hiyo, amewataka Wananchi kutumia Vema Misaada inayotolewa na viongozi wa Kuchaguliwa na wale wa kuteuliwa kulingana na matakwa ya Serikali ya Awamu ya Tano ambayo imejipambanua kupingania haki za wanyonge.

Katika kuonekana kuwa Mkuu wa Wilaya ya Kibondo hataki masihara na mtu yeyote anayejaribu kukwamisha jitihada za Serikali hasa hii awamu ya Tano ambayo inaondoa kero za wananchi kwa vitendo  Bura ameapa kumshughurikia.

 Ameyasema hayo baada ya kuridhika na Ujenzi wa Kituo cha Afya cha Busunzu, kilichopo Wilaya ya Kibondo, wakati alipoongozana na Maafisa  ngazi ya Halmashauri na Wilaya siku ya Alhamisi tarehe 16.11.2017, alipokuwa akikabidhi Saruji na kusikiliza kero za Wananchi Kata ya Busunzu.