MKUU WA WILAYA KIBONDO AKIFUNGUA KIKAO CHA CHF ILIYOBORESHWA

Posted on: September 4th, 2018

Mkuu wa Wilaya ya Kibondo akifungua kikao cha CHF iliyoboreshwa kilichojumuisha Wajumbe wa Bodi ya Afya Wilaya, na  wadau wa Bodi ya Afya waliotoka Mkoani, kilichofanyika tarehe 04.09.2018 katika Ukumbi Mdogo wa Vijana Kibondo. Baada ya Taarifa hiyo Mkuu huyo wa Wilaya aliwataka wajumbe kuwa makini katika kuelewa na kujadili vizuri changamoto zilizopo na kisha kuziwekea maazimio na namna ya kuyatekeleza vizuri kwa kuwaagiza wajumbe waliohudhuria kwenda kuhamasisha ipasavyo kuhusu zoezi hilo mhimu.

TAARIFA FUPI YA MFUKO WA AFYA YA JAMII (CHF) 

JULAI 2017 –JUNI 2018

Mfuko wa Afya ya Jamii (CHF) ni mpango wa hiari ulioanzishwa kwa sheria Na 1 ya mwaka 2001 (Sura 409 ya sheria za Tanzania Toleo la 2002) wa kaya au familia kuchangia gharama za matibabu kabla ya kuugua.

 Sababu za kuanzishwa kwa Mfuko wa Afya ya Jamii (CHF) ni kuiwezesha jamii kumiliki huduma za afya zinazowahusu katika maeneo wanayoishi, kushirikisha jamii kutoa mawazo yao ili kuboresha huduma za Afya, 

kuchangia kwa hiari na mali huduma za Afya katika ngazi ya Kijiji,Kata,Tarafa hadi Wilaya.

Lengo la mfuko huu ni kufikia  30% ya uchangiaji kwa kaya zote nchini.

Kwa mujibu wa sensa ya mwaka 2012, Wilaya ya Kibondo ina kaya 52,265 na kaya zinazotakiwa kuchangia ni kaya 15,680 kwa mwaka ambazo ni asilimia 30 ya kaya zote. 

Pamoja na hayo Timu ya Wilaya imejipanga kutekeleza waraka mpya wa CHF iliyoboreshwa na mchakato wa ununuzi wa simu kwa ajili ya mchakato wa usajili na utoaji huduma za matibabu umeanza baada ya mfumo wa malipo (epica) kuanza,na pindi tu tutakapopata taarifa ya kuanza kazi kwa Account ya mkoa tutaanza kusajiri wanachama kwa kufata mwongoza mpya wa CHF iliyoboreshwa.

CHANGAMOTO

>> Wanajamii wengi hawajaelewa umuhimu wa kuchangi huduma kabla ya kuugua japo uhamasishaji ulishafanyika na unaendelea..

>> Baadhi ya wanajamii hawaoni umuhimu wa kuchangia kwa kisingizio kwamba watoto chini ya miaka mitano, wajawazito na wazee hutibiwa bure hivyo waliobaki hata wakiugua watalipa kwa kuwa gharama si kubwa.

MKAKATI

>> Idara kwa kuwatumia wataalamu waliopo inaendelea kutoa elimu na  kuhamasisha wanajamii juu ya umuhimu wa kuchangia Mfuko

>> Kuongeza idadi ya watoa huduma ili kuongeza ufanisi.

Kwa mwaka 2017/2018,jumla ya kaya 6,570 zilichangia sawa na 4%, ambapo jumla ya Tsh 65,700,000 zilipatikana kwa kuchangia Tsh 10,000 kwa kaya.