KUNAWA MIKONO NI KICHOCHEO CHA AFYA BORA

Posted on: October 20th, 2018

Sikukuu ya kunawa Mikono Duniani, ilifanyikia ndani ya Kambi ya Wakimbizi Nduta tarehe 20.10.2018. Mgeni rasmi akiwa ni Mwakilishi toka Ofisi ya Mkuu wa Wilaya ya Kibondo

Ndg. Janks Nimbuga, ambaye ni Afisa Mazingira Wilaya ya Kibondo toka Ofisi ya Mkurugenzi Mtendaji Wilaya.

Sherehe za kunawa Mikono Duniani Kambini hapo zilianza mnamo saa 11:12 asubuhi, kwa kupokea maandamano ya Vikundi vya Michezo vilivyokuwa vimeandaliwa.

Michezo ya maigizo yaliyokuwa yamebeba ujumbe wa Siku ya Kunawa Mikono kuwa ni chanzo cha Afya Bora, ilichezwa na kuigizwa.

Baada ya Michezo hiyo MC wa Sherehe hiyo aliomba kutambua Wawakilishi wa Toka Kila shirika linalotoa huduma hapo Kambini kufika mbele ya hadhira na kutoa ujumbe (hotuba fupi).

Shirika la DRC, MSF, UNHCR, Oxfam walitoa hotuba zao fupi zilizokuwazimebeba Ujumbe wa Afya inayotokana na kunawa Mikono.

Baada ya Hotuba hizo Mgeni rasmi alikaribishwa kwa kwaajiri ya kusoma Hotuba iliyokuwa na maana ya siku yenyewa.

Ndg: Wananchi, Siku ya Kunawa Mikono Duniani ni Siku Mahsusi iliyotengwa kwa ajili ya kuikumbusha Jamii juu ya suala la kunawa Mikono kama njia nafuu ya kujikinga na Maradhi/magonjwa.   Na;

 KAULI MBIU YA MWAKA HUU WA 2018 “Mikono Safi ni Kichocheo cha Afya Bora”

Uhusiano unawaji Mikono na Chakula: Chakula bora haitegemei aina ya chakula tu bali pia namna gani kinaandaliwa, kunawa Mikono kwa Maji Safi na Sabuni au Majivu ni muhimu kwaajili ya Kujikinga.

Uhusiano wa kunawa mikono na lishe bora. Upo uhusiano wa kunawa mikono na lishe bora. Kunawa mikono kwa maji safi na sabuni, ni sehemu  mhimu ya mkakati wa kuimalisha lishe bora. Magonjwa ya kuhara ambayo siyo tu huchangia vifo vya Watoto wadogo walio chini ya umri wa Miaka Mitano, bali pia hudhofisha uwezo wa miili yao kufyonza viini lishe vya chakula.

Nini kifanyike: 

• Nawa Mikono yako kwa maji safi na sabuni au majivu katika nyakati mhimu, hasa kabla ya kula chakula, kabla ya kupika, na kabla ya kumlisha mtoto au mtu mwingine asiyeweza kula peke yake.
• Uwe mfano bora wa kunawa mikono kwa jamii inayokuzunguka na uwakumbushe au kuwasaidia wengine wanawe mikono yao.
• Tenga sehemu maalum kwa ajili ya kunawa Mikono, majumbani, mashuleni, sehemu za kazi nk
• Shirikiana na Serikali  Wadau wengine kutoa mwongozo na msisitizo juu ya kuimarisha tabi ya unawaji mikono katika jamii.
• Baada ya hotuba hiyo Mkuu wa Makazi ya Kambi ya Nduta Ndg: Peter Bulugu, mnamo saa 07:20 mchana, alisimama na kutoa msisitizo juu suala la unawaji mikono kwa Wananchi wa Kambi hiyo kwamba “ukishika ufunguo, mlango, fedha, hakikisha una nanawa mikono kwani hizo funguo na mlango si salaama. Nawatahadharisha pia wale wanaonunua vitumbua, mandazi na pombe hizi za kienyeji (migorigori) hizo si salaama achene”
• Baada ya usia huo aliyafunga maazimisho hayo saa 07:32 mchana.