NAIBU KATIBU MKUU OFISI YA RAIS TAMISEMI AHIMIZA UWAJIBIKAJI KWA WATUMISHI

Posted on: October 3rd, 2018

Naibu katibu Mkuu Ofisi ya Rais Tamisemi Bi: Zainab Chaula, akiwa katika ziara yake Wilayani Kibondo tarafa ya Mabamba kwenye Kituo cha Afya Mabamba tarehe 03.10.2018, amesisitiza katika uhamasishaji kwa Wananchi juu ya uelewa kuhusu uchangiaji katika huduma za afya, ikiwa ni pamoja na utoaji wa huduma bora kwa Wananchi, na uwepo wa Mifumo ya taarifa na ukusanyaji wa Mapato (GoT-HOMIS) kwenye Vituo vyote vya Afya, bila kusahau uwajibikaji kwa watumishi wa Sekta ya Afya.

Aidha ameagiza mifumo hiyo ifungwe mara moja katika Kituo hicho cha Afya Mabamba, ili huduma itolewe kwa njia ya mfumo na watumishi wa afya watimize wajibu wao kuhamasisha wananchi katika suala zima la uchangiaji huduma za afya.

“Hatutaruhusu kuanzishwa vituo  vipya (maboma) kabla ya kuboresha vilivyopo, ili wananchi wapate huduma bora na waiamini Serikali yao inayotoa fedha kwa ajili ya kuwahudumia, fedha ilitolewa ya  kukarabati vituo vya afya vilivyopo na inatolewa  kwa awamu, na kituo hiki  kilipewa million mia 500, nimekuja kuona kazi iliyofanyika kama na wengine walivyokwisha pita, lakini hasa  niwahamishe nyie juu ya utoaji  elimu kwa wananchi  kwa huduma za kiafya na uchangiaji utakaoleta tija baada ya Wananchi kuhamasishwa ipasavyo, kazi kubwa mnafanya lakini tuhamasishane

Vituo hivi vikisha boreshwa vikatoa huduma stahiki suala la vifo vya wamama wajawazito na watoto vitapungua na kubakia kidogo tofauti na idadi niliyosomewa hapa  kwa vifo vya malaria, wamama wajawazito na watoto.

Aidha naomba Kituo hiki kiwe na Mashine ya X-ray, kwani haipo sababu ya mtu kusafiri umbali mrefu wakati mnaweza kukusanya mkatafuta mashine hiyo ikawepo hapa kwa kwaajili ya kutoa huduma ya X-ray kwa  Wagonjwa,  tengeni eneo la chumba cha X-ray iwepo hapa ikiwa ni pamoja na kujenga uzio wa kuzunguka Kituo hiki na kuweka mabango yanayoonesha kwamba hiki ni kituo cha afya cha Serikali kinachotoa huduma kwa wagonjwa.  Alisema naibu Katibu “.