MKUU WA WILAYA YA KIBONDO AZINDUA UPULIZIAJI DAWA YA UKOKO

Posted on: October 3rd, 2022

Mkuu wa Wilaya ya Kibondo, Kanali Aggrey John Magwaza kwa niaba ya Mkuu wa Mkoa wa Kigoma amezindua zoezi l upuliziaji dawa ya ukoko majumba. Upuliziaji huu utafanyika katika wilaya ya Kibondo na Kasulu.

 Zoezi hili la upuliziaji litafnyika kuanzaia tarehe 5 Oktoba 2022 hadi 5 Novemba 2022, hivyo aliwahimiza wananchi kutoa ushirikiano ili kuweza kuitomeza malaria.

Katika mkutano huo Mganga mkuu wa Mkoa Dkt. Jesca alieleza kuwa pamekuwa na mafanikio katika kutekeleza mradi huu kwa kupungua maambukizi ya malaria katika kipindi cha awamu tatu zilizopita. Kabla ya kuanza kwa utekelezaji wa mradi huu, idadi ya wagonjwa wa malaria waliofika katika vituo vya huduma za afya kwa mujibu wa utafiti mwaka 2017/2018 Mkoa wa Kigoma ulikuwa na kiwango kikubwa cha viashiria vya malaria kwa asilimia 24. Wilaya ya Kakonko iliongoza ikiwa na asilimia 35.

Katika upimaji wa malaria kwa wanafunzi mwaka 2017/2018 kilikuwa aslimia 38.4. Mwaka 2019 kiwango cha maabukizi kwa wanafunzi waliopimwa kilipungua na kufikia asilimia 29.1.

Mwaka huu kiwango cha maabukizi ni asilimia 11.9.

Vile vile takwimu zinaonesha kuwa asilimia 30 ya wagonjwa wa nje waliofika katika vituo vya kutolea huduma za afya kwa mwaka 2017 walikutwa na Malaria. Kiwango hiki kimepungua  na kufikia asilimia 14.1 kwa mwaka 2021.

Katika wilaya zinazotekeleza mradi huu, maambukizi ya malaria yamepungua.

Kwa Halmashauri ya wilaya ya Kibondo maambukizi yamepungua kutoa watu 507 kati ya watu 1000 kwa mwaka 2019 hadi watu 203 kati ya watu 1000 kwa mwaka 2021.

Kwa Halmashauri ya Wilaya ya Kasulu maambukizi yamepungua kutoa watu 493 kati ya watu 1000 kwa mwaka 2019 hadi watu 195 kati ya watu 1000 kwa mwaka 2021.

Katika radi huu unatekelezwa katika wilaya za Kibondo na Kasulu. Katika awamu hii ya nne wamelenga kuzipulizia nyumba 237,727 zikijumuisha kambi za wakimbizi za Nduta na Nyarugusu. Mchanganuo wa majengo hayo ni Halmashauri ya wilaya ya Kibondo(102,133) kati ya majengo hayo Kambi ya Nduta ni18,181 na Halmashauri ya Wilaya ya Kasulu(135,594) kati ya majengo hayo Kambi ya Nyarugusu ni 35,617.

Mradi huu pia utanufaisha jamii kwa kutoa ajira za muda kwa wananchi wa Wilaya za Kasulu na Kibondo. Hayo yalielezwa na mwakilishi wa mkuu wa mradi wa Abt Associates Dkt. Godian Mkompodis.

Malengo ya upuliziaji ni kufikia asilimia 85 kama inavyoelekezwa na shirika la Afya Duniani(WHO).