MKUU WA WILAYA YA KIBONDO AZINDUA CHANJO YA UVIKO-19

Posted on: August 6th, 2021

Mkuu wa Wilaya ya Kibondo Mhe. Kanali Aggrey John Magwaza, leo tarehe 06/08/2021 amezindua chanjo ya UVIKO -19 katika Wilaya ya Kibondo.

Akizungumza katika hafla hiyo ya uzindulizi iliyofanyika Hospitali ya Wilaya ya Kibondo, amewasisitiza wananchi waliopewa kipaumbele kujitokeza kupata chanjo hiyo.

Pia alisisitiza juu ya kufuata maelekezo ya Wizara ya Afya katika kupambana na ugonjwa wa UVIKO 19. Alisema pamoja na kutolewa kwa chanjo, njia zingine za kupambana na ugojwa huu zinazoelekezwa na Wataalamu wa Afya ziendelee kufuatwa. "Chanjo siyo njia pekee ya kupambana na ugonjwa huu, hivyo tahadhali ziendelee kuchukuliwa hata kwa watakaopata chanjo hii".

Vile vile alitoa onyo kwa watumishi wa afya kufuata maelekezo ya Serikali kwa kutoa chanjo hii bure.

Vituo vitakavyotumika kutoa chanjo katika Wilaya ya Kibondo ni vitatatu(Hospitali ya Wilaya ya Kibondo, Kituo cha Afya Kifura na Kituo cha Afya Mabamba).

Uzinduzi huu wa chanjo ulihudhuliwa na viongozi wa dini na serikali, watumishi wa umma na wananchi.