DCC KIBONDO YA PENDEKEZA KUGAWANYWA KWA JIMBO LA MUHAMBWE

Posted on: March 13th, 2025

Wajumbe wa Kamati ya  Ushauri ya Wilaya Kibondo wameridhia mapendekezo ya kuligawa Jimbo la Muhambwe kuwa Muhambwe Mashariki na Muhambwe Magharibi.

Mapendekezo hayo yamepitishwa katika kikao cha Kamati ya Ushauri ya Wilaya kilichoongozwa na Mkuu wa Wilaya ya Kibondo Mhe Aggrey Magwaza na kuhudhuriwa na Wajumbe mbalimbali wakiwemo Kamati ya Usalama,wakuu wa Idara na Vitengo wa Halmashauri, Waheshimiwa Madiwani, Watendaji wa Kata, Viongozi wa Dini na Viongozi wa Vyama vya Siasa na kufanyika tarehe 13 machi 2025 katika Ukumbi wa Mkutano wa Chama cha Walimu (CWT).

Jimbo hilo la Muhambwe linaundwa na Kata 19, ambazo ni Kibondo mjini, Biturana, Kumwambu, Bitare, Bunyambo, Kitahana, Misezero, Murungu, Rusohoko, Busagara, Busunzu, Itaba, Kagezi, Kizazi, Kumsenga, Mabamba, Mukabuye, Nyaruyoba na Rugongwe.

Katika mapendekezo hayo Jimbo la Muhambwe Mashariki linapendekezwa kuundwa na Kata 9 ambazo ni Kibondo mjini Biturana, Kumwambu, Bitare, Bunyambo, Kitahana, Misezero, Murungu Pamoja na Rusohoko na Muhambwe Magharibi kuundwa na Kata 10 ambazo ni Busagara, Busunzu, Itaba, Kagezi, Kizazi, Kumsenga ,Mabamba, Mukabuye, Nyaruyoba na Rugongwe.

Mapendekezo hayo yamejadiliwa kutokana na Ukubwa wa jimbo kuwa na Kilomita za Mraba 13,406,  mpangilio wa Makazi ya Watu, hali ya Kiuchumi, Miapaka ya Kiutawala, upatikanaji wan jia za Mawasiliano na hali Kijiografia ya eneo la Jimbo hilo.

Aidha Wajumbe wa Kikao hiko wamependekeza kugawanywa kwa Jimbo hilo la Muhambwe ili kusaidia Wananchi kupata huduma karibu na maeneo  ya makazi yao bila kutumia gharama kubwa za usafiri.

Vilevile mgawanyo huo utapelekea viongozi na watumishi kuwahudumia wananchi kwa urahisi kwa kuwasogezea huduma karibu na makazi yao na hatimaye kuimarisha ufanisi katika utendaji kazi hali itakayopelekea kuchochea maendeleo ya wananchi wa Wilaya.

Akifunga kikao hicho Mkuu wa Wilaya Mhe: Kanali Aggrey Magwaza amesema mapendekezo hayo yanatarajiwa kuwasilishwa katika kikao cha Maendeleo ya Mkoa Kigoma (RCC) ili kuendelea na atua zaidi katika upatikanaji wa maeneo hayo ya kiutawala.